შუმი, გრიფონი, ქართული ბრენდი.

გრიფონი გახლავთ პრემიალური სასმელი, რომელის ნაზავშიც მონაწილეობენ გასული საუკუნის სპირტები, რომელთა შორის ყველაზე ძველი 1945 წლის სპირტია. ბრენდი არის ძველი ოქროსფერი, მოოქროსფრო ელფერით. აქვს მდიდარი და ხანგრძლივი, გამყოლი გემო, ინტენსიური ტყის თხილის, მდიდრული სიგარის, ტკბილი სანელებლებისა და მწიფე შავი ქლიავის ნოტებით. ეს ფაიფურის სკულპტურა, რომელიც გარედან მოოქროვილია და განასახიერებს კომპანია შუმის სიმბოლოს, ეკუთვნის ცნობილ სკულპტორ - მერაბ მერაბიშვილს.

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.