სარაჯიშვილი, ქართული ბრენდი, 3-წლიანი, 700 მლ.

„სარაჯიშვილი სამი ვარსკვლავი“ საბრენდე სპირტებისგან დამზადებული ახალგაზრდა ბრენდია. ეს არაჩვეულებრივი კრიალა ღია ოქროსფერი სასმელი მუხის პიკანტური არომატით, ხილისა და მინდვრის ყვავილების ჰარმონიული ტონებით და სასიამოვნო, ხალისიანი გემოთი გამოირჩევა.

1884 წელს დავით სარაჯიშვილმა საფუძველი ჩაუყარა კონიაკის კლასიკური ტექნოლოგიით წარმოებას რუსეთის იმპერიაში. პირველი პროდუქტი 1887 წელს თბილისში დაარსებულმა ქარხანამ გამოუშვა. სარაჯიშვილის კომპანია სწრაფად გაიზარდა და გაფართოვდა რუსეთის იმპერიისა და ევროპის მასშტაბით. თბილისში, მოსკოვში, პეტერბურგში, ერევანში, კიევში, ვარშავაში, ბაქოში, რიგაში, ხარკოვში, ვლადიკავკაზში, ოდესაში, ფეოდოსიაში, სამარაში, კიშინიოვში, პეტროვსკსა და ჩარგოუში განლაგდა სპირტსახდელები, სასაწყობო მეურნეობები და სარეალიზაციო ქსელი, სადაც იყიდებოდა დავით სარაჯიშვილის კომპანიის მიერ წარმოებული პროდუქცია: კონიაკი, არაყი, ღვინო,ლიქიორი, რომი, აბსენტი და სხვა სპირტიანი სასმელები. სარაჯიშვილის სპირტსაცავებში ძველდება უნიკალური ქართული ღვინის სპირტები, რომლებიც ერთმანეთისგან როგორც ასაკით, ისე გეოგრაფიული ადგილწარმოშობით განსხვავდება. მათ შორის ყველაზე ძველი 1893 წელს სოფელ დიღმის ღვინომასალებიდან თავად დავით სარაჯიშვილის უშუალო ხელმძღვანელობითაა გამოხდილი. სწორედ სპირტების ეს მდიდარი ბაზა ქმნის კომპანიაში წარმოებული პროდუქციის უნიკალურობას. "სარაჯიშვილი" დღემდე ინარჩუნებს დავით სარაჯიშვილის მიერ ჩამოყალიბებულ კულტურას. საუკუნოვანი ტრადიციებისა და თანამედროვე ტექნოლოგიების გამოყენება, უძველესი, მრავალფეროვანი სპირტების რეზერვების არსებობა და ტექნოლოგთა პროფესიონალიზმი საშუალებას აძლევს "სარაჯიშვილის სახლს" უმაღლესი ხარისხის პროდუქცია აწარმოოს და ლიდერად დარჩეს.