დორემი, ჩინებული, თეთრი მშრალი ქვევრის ღვინო, 2021 წ.

ნატურალური ქარვისფერი მშრალი ქვევრის ღვინო - ღვინო დაყენებულია ქვევრში, ხაშურის რაიონ სოფელ ფულევის ბიოლოგიურად სუფთა ვენახებში მოწეული ყურძნის ჯიში ჩინური 65%, გორული მწვანე 35%. დუღილი მიმდინარეობდა ქვევრში, ბუნებრივ საფუარებზე, ყოველგვარი ხელოვნური ჩარევების გარეშე, ჭაჭაზე 1 თვის დაყოვნებით, საიდანაც მივიღეთ მოოქროსფერო ქარვისფერი ღვინო, გამჭვირვალე იერით, რომელიც ხასიათდება სასიამოვნო მჟავიანობით, ტანინებითა და ხანგრძლივი დაბოლოებით. ქაცვის, ყვითელი ხილისა და მწვანე ჩაის ტონები კი მას საინტერესო ნიუანსებით ავსებენ. რეკომენდებულია მიირთვათ თევზთან, ფრინველის ხორცთან, სალათებთან და ყველათან ერთად. მიირთვით 14-16 გრადუსზე გაგრილებული.

"დო რე მი"-ს მარანი დაარსდა 2014 წელს. სამმა მეგობარმა გადაწყვიტა გაერთიანება და ქვევრში ნატურალური ღვინის დაყენება (მანამდე, წლების მანძილზე, ცალ-ცალკე აყენებდნენ ღვინოს, კასრებსა და ბოცებში). ამიტომ, მეგობრის სახლში, სოფ. გამარჯვებაში, განაახლეს და გააფართოვეს არსებული ძველი მარანი. დღესდღეობით მარანს შეუძლია მიიღოს და გადაამუშაოს 30 ტონამდე ყურძენი, რაშიც მათ ეხმარებათ და კონსულტაციას უწევს, მათი მეგობარი, გიორგი ბარისაშვილი. ოჯალეშის ვაზის ჯიში ვენახი გაშენებულია ზუგდიდის რაიონის სოფლებში: ოდიშსა და ახალსოფელში.