ძველი სუფრა, კედლის პანო "სამეფო"

ქართველი მასპინძელი ყოველთვის განსაკუთრებულად ზრუნავდა სტუმარზე. საგულდაგულოდ მომზადებული ვახშამი “ლურჯ სუფრაზე” იშლებოდა, რომელზე დატანილი უნიკალური სიმბოლოებიც ხალხის ყოფას და მსოფლხედვას ასახავდნენ. სწორედ ამ შინაარსის მატარებელია პანო “სამეფო”, რომელიც ჯერ კიდევ 1998 წელს, ელენე ახვლედიანის სახლ-მუზეუმში არსებული “ლურჯი სუფრის” შთაგონებით აღვადგინეთ.

კომპანია “ძველი სუფრა” 1998 წლიდან ქართულ ტრადიციულ სუფრებს აწარმოებს. თუმცა, მისი რებრენდინგი 2020 წლის აგვისტოში განხორციელდა და მას მერე სწრაფი ტემპით ვითარდება.

კომპანიის მისია თავდაპირველად ქართული ტრადიციული ლურჯი სუფრის აღდგენა, მისი ტრადიციული წესით დამზადება და პოპულარიზაცია იყო. რებრენდინგის პროცესში კი, არსებული საქმიანობის პროფილი გაიზარდა, გაციფრულდა და ქართული ორნამენტის მოტივებზე სხვადასხვა სახლის აქსესუარები შეიქმნა.‘’ძველი სუფრის’’ მიზანია ქართული ტრადიციის გაგრძელების გარდა, ქართული სუფრა თანამედროვეობაზე მორგებულიც გახადოს. ამის მიღწევას კი ახალი ცოცხალი ფერებითა და დიზაინებით ცდილობს.

ამ ეტაპზე ბრენდი ორი მიმართულებით ოპერირებს:

1. ლურჯი სუფრების პირვანდელთან მიახლოებული ან თავდაპირველი სახით აღდგენა;

2. სრულიად ახალი დიზაინის სახლის აქსესუარების შექმნა, ქართული მრავალფეროვანი ორნამენტის მოტივებზე.

ბრენდის პროდუქცია ტრადიციულ სუფრებს, ხელსახოცებს, წინსაფრებს, კედლის პანოებსა და პლედებს აერთიანებს, რომელიც 100% ბამბის, უმაღლესი ხარისხის ქსოვილით არის დამზადებული.