CHRONOS, ბეჭედი ცვარას ინსპირაციით

ქრონოსის ბეჭედი შექმნილია ცვარას საოქრომჭედლო ტექნიკის (სამკაულზე დარჩილული მეტალის წვრილი ბურთულები) ინსპირაციით. ცვარას ტექნიკა დამახასიათებელი იყო ძვ.წ. VII-VI საუკუნეებით დათარიღებული სამკაულისთვის, რომლებიც უხვადაა აღმოჩენილი არქეოლოგიური გათხრების დროს საქართველოს სხვადასხვა რეგიონში, უმეტესად ვანში და ახალგორში. ცვარას ტექნიკაში უმთავრეს მხატვრულ ღირებულებას ქმნიდა ბურთების დაწყობის წესი და მათი მცირე ზომა. 24K მოოქროვილი ვერცხლი 925. 2.7-3 გრ. ნიკელის გარეშე. ანტიალერგიული.

„CHRONOS“ სამკაულის კოლექცია სამი ათასწლეულის ისტორიის მქონე ქართული საგანძურის შთაგონებითაა შექმნილი. კოლექცია, რომელიც მრავალსაუკუნოვან კულტურის ისტორიაში გამოგზაურებთ, შთამბეჭდავი და მრავალფეროვანია. თითოეული ნივთი სხვადასხვა ეპოქის კულტურის სახეს გამოხატავს და დიზაინთან ერთად, უნიკალურია თავისი საკუთარი ისტორიით. CHRONOS აერთიანებს მდიდარ ხასიათს, ხარისხს და ემოციას. CHRONOS სამკაულის ხასიათის წყარო მდიდარი ქართული კულტურული საგანძურია, რომელიც დღეს საქართველოს მუზეუმებშია დაცული. ყოველი ნივთი ამ ისტორიის მნიშვნელოვან დეტალს ჰყვება და ღირებულია თავისი ამბით. ისტორია ნივთის სილამაზეს სიღრმეს, მნიშვნელობას და დაუვიწყარ ემოციას სძენს. CHRONOS სამკაულის ხარისხის წყარო მის ყველა დეტალშია - დიზაინში, განხორციელებასა და შეფუთვაში. CHRONOS სამკაულის ემოციის წყარო ძველის და ისტორიულის თამამი და ახლებური ადაპტაციაა.