ვილა მოსავალი, რქაწითელი ქვევრი, თეთრი მშრალი, 2019.

"ვილა მოსავალის" რქაწითელი ყურძნის ჯიშისგან დამზადებული ღვინო, რომელიც გამოირჩევა ქარვისფერი შეფერილობით. ღვინოს აქვს დამახასიათებელი გამხმარი ფოთლებისსა და ჩირის არომატი. რაც შეეხება გემოვნურ თვისებებს, აქვს ხანგრძლივი დაბოლოება და გამყოლი გემო. ღვინო დამზადებულია საქართველოში.

„ვილა მოსავალის“ დამაარსებლთა თავდაპირველი მიზანი იყო შეექმნათ საუკეთესო ხარისხის ღვინო და მასთან ერთად სივრცე – სადაც შესაძლებელი იქნებოდა ღვინის დაგემოვნება კომფორტულ, ლამაზ გარემოში საუცხოო კერძების თანხლებით. მათ გააერთიანეს ტრადიცია და თანამედროვე მიდგომები და შექმნეს გამორჩეული ღვინის ბრენდი -„ვილა მოსავალი“. „ვილა მოსავალის“ გამორჩეული ღვინოები, რომელთაც არაერთი ჯილდო მიუღიათ, განსაკუთრებული ტერუარის, ვენახთან მუშაობის გამორჩეული პრინციპებისა და უმაღლესი დონის ღვინის ტექნოლოგიის სინთეზით იქმნება. თაობებიდან გადმოცემული ტრადიციული ცოდნა, მეცნიერულ დონეზე აყვანილი პროცესი და მოდერნიზებული ტექნოლოგია მათი მუშაობის პრინციპებია. ფერმენტაციისათვის გამოიყენება ევროპული უჟანგავი ფოლადის ავზები, ასევე დიდ მნიშვნელობა ენიჭება ქართულ ტრადიციულ ტექნოლოგიას - „ქვევრის ტექნოლოგია“ და ამავდრულად, ღვინისა და ალკოჰოლური სასმელების დავარგება ხდება ფრანგული მუხის კასრებშიც. ვენახების 40 ჰექტარი განლაგებულია კახეთისა და ქართლის, მრავალფეროვან და ნოყიერ მიწებზე, სადაც მოგვყავს სხვადასხვა სახეობის ყურძენი განსხვავებული შაქრიანობისა და მჟავიანობის მიხედვით. ვენახში ყველა ქმედება სრულდება ხელით, მოკრეფის შემდგომ ყურძნის ტრანსპორტირება კი მცირე ზომის ყუთებით ხდება, რათა სათუთად და დაუზიანებლად მივიდეს ქარხანამდე.