სალომე, საფერავი, წითელი მშრალი ღვინო, 2016 წ.

წითელი მშრალი ღვინო - დამზადებული 100%-ით საფერავის ჯიშის ყურძნისგან, მოწეული ნაფარეულის მკაცრადკონტროლირებად მიკროზონაში. ღვინისთვის შერჩეულია სპეციალური სავენახე ტერიტორია სახელად „სალომე“, რომელიც მუშავდება ბიოდინამიკური მეთოდით. ხარისხის გასაუმჯობესებლად ვენახს უტარდება შერჩევითი და მწვანე რთველი. ღვინო დუღილსა და დავარგებას 11 თვის განმავლობაში გადის ფრანგული მუხის კოდში, 4 თვის განმავლობაში ბატონაჟს და ბოთლებში ჩამოსხმის შემდეგ მინიმუმ 7 თვე განაგრძობს დავარგებას. არის მუქი ბროწეულისფერი, ხასიათდება რთული და კომპლექსური ბუკეტით, მკვეთრად გამოხატული მწიფე ალუბლის, იის, ტკბილი სანელებლების, თამბაქოსა და წიწაკის პიკანტური არომატით. გემოვნურად ხავერდოვანი, რბილი, ინტენსიური რეტრონაზალური შეგრძნებითა და ხანგრძლივი გამყოლი გემოთი. ღვინო იწარმოება შეზღუდული რაოდენობით.

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.