The Why Not Gift Shop, ცეცხლოვანი ვაზა

The Why Not Gift Shop ორი მეგობრის, ხელოვან და კურატორ გვანცა ჯიშკარიანისა და კურატორ ელენე კაპანაძის პროექტია. 2018 წელს გალერეის შექმნის იდეა ერთი მიზნის ქვეშ გაერთიანდა, რომ ახალგაზრდა ხელოვანებისთვის, მხარი დაეჭირა. The Why Not Gift Shop-ს კრეატიული სივრცე მათ საშუალებას მისცემდა შემოქმედება ფართო აუდიტორიისთვის წარედგინათ. გალერეაში ერთიანდება ყველა ექსპერიმენტი და კრეატიული მცდელობა. ახალგაზრდა ხელოვანების გუნდი კი, მუშაობს რომ ისეთი ხელოვნება წარმოადგინოს, რომელიც თანამედროვეობას ასახავს - აქვს ძლიერი სათქმელი და ეხება რელევანტურ დისკუსიებს. The Why Not Gift Shop-ის პირველი ლოკაციაც არ იყო შემთხვევითი: გალერეის გუნდის ხელოვნებასავით ძლიერად აქცენტირებულ თანამედროვეობას ასახავდა. პირველი ვიტრინა თბილისის ცენტრში, მიწისქვეშა გადასასვლელში განთავსდა. ხალხმრავალი მიწისქვეშა გადასასვლელი, სავსე ტანსაცმლის მაღაზიებით, პლასტმასის იაფი ნივთებით, რელიგიური აქსესუარებით, ბოსტნეულის და ხილის დახლებით, ყველაზე მოულოდნელი ადგილი იყო თანამედროვე ხელოვნების სანახავად. თუმცა, ძალიან შესაფერისი იყო ქალაქისთვის, სადაც მუზეუმები მავზოლეუმებს გავს და ფართო საზოგადოებას ნაკლებად აინტერესებს თანამედროვე ხელოვნება. ეს იყო მცდელობა ხელოვნება გათავისუფლებულიყო ელიტისტური კონოტაციებისგან და შემოჭრილიყო ბანალურ ყოველდღიურობაში. გალერეის არსებობის მეორე წელს, The Why Not Gift Shop ნომადურ გალერეად იქცა და მიზნად დაისახა ერთმანეთის მხარდაჭერისა და პარტნიორული კავშირების გაძლიერება. The Why Not Gift Shop საჩუქრების მაღაზია, გალერეის პროექტია, რის ფარგლებშიც 2019 წლიდან იგი ქართველ ხელოვანებთან პარტნიორობს და მათთან კოლაბორაციაში ლიმიტირებული რაოდენობის ნივთებს აწარმოებს, ძირითადად სახლის დეკორატიულ პროდუქტებს. პროექტის მიზანია წაახალისოს და პოპულარიზაცია გაუწიოს ახალგაზრდა ხელოვანებს, გაუჩინოს მათ დამატებითი შემოსავლის წყარო და გალერეას მისცეს საშუალება საკუთარი საგამოფენო პროგრამა დააფინანსოს.