სამაგიდო თამაში, Coup

COUP-ში მთავრობა კორუფციულ სქემებშია გახვეული, მოსახლეობა კი სიღარიბის ზღვარზეა, ამის გამო საზოგადოებაში უფრო და უფრო იზრდება რევოლუციის სურვილი. მოსახლეობის ერთი ნაწილი რევოლუციაში ნათელ მომავალს, ხოლო მეორე – აბსოლუტური ძალაუფლების ხელში ჩაგდების შესაძლებლობას ხედავს. ძალაუფლების მოსაპოვებლად თქვენს მოწინააღმდეგეებთან დაპირისპირება მოგიწევთ. უნდა დაამხოთ მათი ძალაუფლება და ქვეყნიდან გააძევოთ ისინი. COUP-ში თქვენი მიზანია, მოიშოროთ ყველა მოწინააღმდეგე და თამაშში ბოლომდე დარჩეთ, სანამ ერთადერთი მოთამაშე თქვენ არ იქნებით. საწყის ეტაპზე თითოეული მოთამაშე იღებს 2 მონეტას და 2 პერსონაჟის ბარათს, რომელთა ვინაობის ნახვა მხოლოდ თვითონ შეუძლია. გაუნაწილებელ ბარათებს და მონეტებს ათავსებთ მაგიდის შუა ნაწილში. თამაშში 5 განსხვავებული პერსონაჟია, რომლებიც სხვადასხვა განსაკუთრებულ შესაძლებლობას განიჭებთ. მოწინააღმდეგეების მოტყუებისას იყავით დამაჯერებლები, წინააღმდეგ შემთხვევაში ქმედების ბარათით დადასტურებას მოგთხოვენ და ამით ერთ ან, უკიდურეს შემთხვევაში, ორივე პერსონაჟს დაკარგავთ. Coup-ში არის ორი შემთხვევა, როდესაც მოთამაშე ერთი ქმედებით კარგავს ორივე პერსონაჟს და დაუყოვნებლივ ვარდება თამაშიდან. 1) ერთი მოთამაშე მეორეს კლავს ასასინის მეშვეობით და ამ დროს მკვლელობის ადრესატი ითხოვს ასასინის ქმედების ბარათით დადასტურებას, რა დროსაც მოწინააღმდეგე გამოაჩენს ასასინის ბარათს. ამ დროს მოთამაშე კარგავს 2 პერსონაჟს – ერთს ასასინის მკვლელობით და მეორეს – ბარათის დადასტურებით. 2) ერთი მოთამაშე მეორეს კლავს ასასინის მკვლელობით და ამ დროს მკვლელობის ადრესატი იტყუება, რომ ჰყავს Contessa და ამ მკვლელობას ბლოკავს, მოწინააღმდეგე კი Contessa-ს ბარათის ჩვენებას მოსთხოვს. ამ დროს მოთამაშე კარგავს 2 პერსონაჟს – ერთს ასასინის მკვლელობით და მეორეს Contessa-ს ბარათის ვერწარდგენის გამო. თუ მოთამაშე დაკარგავს პერსონაჟს Coup-ის ან სხვა ქმედების საფუძველზე,  მან უნდა აირჩიოს ერთ-ერთი პერსონაჟი, რომელსაც ამოტრიალებულს დაიდებს წინ. ორივე პერსონაჟის დაკარგვის შემთხვევაში მოთამაშე ვარდება თამაშიდან.

სამაგიდო თამაშები შესანიშნავი სავარჯიშოა ტვინისთვის.  თამაში ასტიმულირებს ტვინის უბნებს, რომლებიც პასუხისმგებელნი არიან მეხსიერების ფორმირებასა და აზროვნების რთულ პროცესებზე ყველა ასაკის ადამიანისთვის. თამაშში ჩართვა გვეხმარება ისეთი არსებითი შემეცნებითი უნარების განვითარებაში, როგორიცაა გადაწყვეტილების მიღება, უფრო მაღალი დონის სტრატეგიული აზროვნება და პრობლემის გადაჭრა.