Uni POSCA, 0.9-1.3 სახატავი მარკერი, ნარინჯისფერი N

POSCA შეიცავს წყალზე დაფუძნებულ პიგმენტურ მელანს, რომელიც არის წყალგამძლე და გამოიყენება თითქმის ნებისმიერ ზედაპირზე. მყარად რჩება ფოროვან ზედაპირებზე (ხე, მუყაო, ქსოვილი და სხვა) და წაშლადია უმეტესი გლუვი, არაფოროვანი მასალების ზედაპირიდან (მინა, პლასტმასა, მეტალი და სხვა). შესანიშნავია მრავალმხრივი  გამოყენებისთვის. POSCA-ს ასორტიმენტი მოიცავს ხუთ ფორმასა და რვა სახის სხვადასხვა წვერის მოყვანილობას. 

PC-3M-ის წვრილი წვერი იძლევა სტაბილურ ხაზსა და მყარ ფერს, რაც გაძლევთ შესაძლებლობას შექმნათ, დაამშვენოთ ან მონიშნოთ ყველაფერი, რაც  შთაგაგონებთ. გამოყენებული მასალების ძალიან მაღალი ხარისხი უზრუნველყოფს ხაზის იდეალურ სიგლუვესა და უნიკალურობას. მყარი ტექსტურის უზრუნველსაყოფად, მარკერის შიგნით მოთავსებულია პატარა ბურთულა, რათა საღებავის ინგრედიენტები უკეთესად შეერიოს ერთმანეთს. უბრალოდ შეანჯღრიეთ მარკერი ენერგიულად (თავსახურით) და  გაიგონებთ მის დამახასიათებელ წკაპუნს. არ აქვს სუნი. ჰერმეტული თავსახური კი უზრუნველყოფს მარკერის ხანგრძლივ გამოყენებას. 

მარკერი PC-3M წვერით ხელმისაწვდომია 42 ფერში.

1892 წელს ტოკიოში Uni Mitsubishi Pencil დაარსდა, რომელიც განსაკუთრებულ, იაპონურ ტრადიციულ ფანქრებს აწარმოებდა და ყიდდა. თითქმის საუკუნის შემდეგ, 1983 წელს Uni Mitsubishi Pencil-მა შექმნა POSCA - რევოლუციური მარკერი. სწორედ აქედან იწყება წყალზე დაფუძნებული მარკერის წარმატების ისტორია. მარკერი განსაკუთრებით მიმზიდველი გახდა ურბანული ხელოვნებით, გრაფიტით გატაცებულთათვის. გრაფიტის მხატვრებმა ძალიან მალე დაიწყეს მარკერის გამოყენება, რომელიც აკმაყოფილებდა მათ ყველა საჭიროებას: გამოსაყენებლად მოსახერხებელი და ეფექტური; იდეალური გადაწყვეტა, რომ  ყოველთვის ქონოდათ საღებავი ჯიბეში, როცა კი  ქუჩაში ხატვა და შემოქმედების საზოგადოებისთვის გაზიარება მოუნდებოდათ. სწორედ მათ მოუპოვეს POSCA-ს მარკერებს რეალური პოპულარობა, რომელიც თანდათან ურბანული სივრცის მიღმაც გავრცელდა. სტუდიის არტისტებმაც დაიწყეს გარეთ გასვლა და საკუთარი ძალების მოსინჯვა ქუჩის ხელოვნებაში, ხოლო გრაფიტის მხატვრებმა დაიწყეს ტილოზე მუშაობა. ეს გაცვლები მხატვრულ საზოგადოებებს შორის POSCA-ს უნივერსალურ სანდოობას ადასტურებს, რისი მეშვეობითაც კომპანია ისევ აგრძელებს ახალი მომხმარებლების მოზიდვასა და სხვადასხვა სფეროებში თავისი პროდუქციის დანერგვას. სულ რაღაც 10 წელში, POSCA ყველაზე საჭირო და მოთხოვნადი პროდუქტი გახდა კრაფტისა და ხელოვნებისთვის; გაიფართოვა საზღვრები და ქუჩის ხელოვნების შემდეგ სერფინგის სამყაროსაც მოედო (Rip Curl GromSearch). სერფინგით გატაცებულები ძველ, ტომურ სულისკვეთებას დაუბრუნდნენ და POSCA-ს მარკერებით დაფების მოხატვა დაიწყეს - ზუსტად ისე, როგორც სერფინგის პიონერები აკეთებდნენ ტალღების დასამარცხებლად.

POSCA-ს შეუდარებელი მელანი, რომლის ფორმულაც არ შეცვლილა შექმნის დღიდან, მდიდარია პიგმენტებით და გამძლეა ატმოსფერული პირობებისა და დროის მიმართ. მის ნათელ, მატ ფერებს დიდი სიღრმე აქვს, რაც ადასტურებს თუ რატომ იზრდება მისი წარმატება დღითიდღე.

2011 წელს POSCA-ამ არხიც შექმნა YouTube-ზე, სადაც პროფესიონალები თუ მოყვარულები თავიანთ შემოქმედებით გამოცდილებას უზიარებენ ერთმანეთს უმარტივესი ფორმებიდან დაწყებული  ყველაზე გაბედული და თამამი იდეების განხორციელებით დამთავრებული.

POSCA-მ თავისი ფერებით, გამძლეობითა და მოსახერხებლობით სამყარო გააერთიანა და კიდევ განაგრძობს ზრდასა და განვითარებას.