Iberiuli, ქვევრის, კრახუნა, თეთრი მშრალი ღვინო.

ღვინო დამზადებულია კრახუნას ჯიშის რჩეული, ხელით მოკრეფილი ყურძნისაგან, მოწეული იმერეთში, ზესტაფონის რაიონში, სოფელ სვირში, მდინარე ყვირილას მარცხენა სანაპიროზე, ზღვის დონიდან 250 მ. სიმაღლეზე. დაყენებულია ქვევრში, კახური ტექნოლოგიით. ღვინო ღია ქარვისფერია, გამოხატული კომშისა და ქამა სოკოს არომატით, სასიამოვნო მჟავიანობითა და ხანგრძლივი დაბოლოებით. დამზადებულია ქვევრში უძველესი ქართული ტრადიციული მეთოდით. ღვინო, წარმოების სპეციფიკური ტექნოლოგიის გამო, ხასიათდება მაღალი ანტიოქსიდანტური თვისებებით. შესაძლებელია მცირედი კეთილშობილი ნალექის წარმოქმნა.

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.