სამაგიდო თამაში, The Grizzled

The Grizzled-ში მოქმედება 1914 წლის აგვისტოში მიმდინარეობს, როდესაც დასავლეთის ფრონტზე დიდი ომი მძვინვარებს. ინტენსიური ბრძოლების პარალელურად, უმკაცრესი კლიმატი სანგრებში განთავსებული ჯარისკაცების ყოფას უფრო და უფრო ამძიმებს. ამ ომში გადარჩენის ერთადერთი შანსი სწორი სტრატეგია, იღბალი და რამდენიმე ერთგული მეგობრის გვერდში დგომაა. The Grizzled კოოპერატიული თამაშია, რომელშიც მოთამაშეები სანგრებში უნდა გადარჩნენ პირველი მსოფლიო ომის დროს. თითოეულ რაუნდში მათ ურთულესი დაბრკოლებების გადალახვა მოუწევთ: არტილერიის თავდასხმა, გაზის შეტევები, ამინდის გაუარესება, ქარიშხალი, ტრავმები და სხვა. ჯარისკაცთა მხოლოდ ის გაერთიანება შეძლებს ამ რთული სიტუაციის გამკლავებას, რომლებიც ერთობლივი ძალებით დაძლევენ სირთულეებს და უმნიშვნელოვანესი მოქმედებების შესრულებასთან ერთად ერთმანეთის გამხნევებასაც შეძლებენ. სწორი სტრატეგია, გუნდური მუშაობა და ცოტა იღბალი ის იარაღებია, რაც ამ კოოპერატიული თამაშის მოსაგებად გჭირდებათ. The Grizzled აღიარებულია ერთ-ერთ საუკეთესო კოოპერატიულ თამაშად, რომლის უნიკალური ილუსტრაციები ხაზს უსვამს, თუ რამდენად მნიშვნელოვანია მშვიდობა და ჭეშმარიტი მეგობრობა. გამოცადეთ თქვენი მეგობრობის სიმტკიცე და გაარკვიეთ, შეძლებს თუ არა ჭეშმარიტი მეგობრობა საზარელი ომის შეჩერებას.

სამაგიდო თამაშები შესანიშნავი სავარჯიშოა ტვინისთვის.  თამაში ასტიმულირებს ტვინის უბნებს, რომლებიც პასუხისმგებელნი არიან მეხსიერების ფორმირებასა და აზროვნების რთულ პროცესებზე ყველა ასაკის ადამიანისთვის. თამაშში ჩართვა გვეხმარება ისეთი არსებითი შემეცნებითი უნარების განვითარებაში, როგორიცაა გადაწყვეტილების მიღება, უფრო მაღალი დონის სტრატეგიული აზროვნება და პრობლემის გადაჭრა.